及 DSE
DSE Econ 5** 學生心聲 (每位學生最少報讀7個月課程)
Violet Lai – DSE 2023 5** – 自修生
( 七個月時間由零開始新修科目)
作為 retaker
好開心喺度分享一下我由決心quit-u retake dse 到成功用7個月由零開始讀Econ最後奪取5**嘅故事
話說成績不俗嘅我從小有個醫生夢，然而眾所週知醫科收分要求極高，每年都有不少考生縱然夙夜匪懈最終仍無緣medic。在自身天資不算聰穎，加上考場表現失手嘅情況下，我亦成為其中之一員。夢想嘅破滅以及對失手嘅不甘，令我萌生出「重來一次」嘅想法，然而父母堅決希望我按正常嘅道路入讀大學。在思量再三後，我決定在父母不知情嘅情況下，一邊修讀科大商科嘅課程，一邊走上retaker嘅道路。由於部分院校對重讀生有扣分制度，我咬緊牙關選擇了修讀新嘅選修科，Econ一科便成為了我嘅不二之選。彼時距離2023dse 開考只剩7個月，要由零開始讀完整個syllabus並考取好成績本已不易，加上要兼顧大學課業，可謂難上加難。（真心⋯嗰時連應該點開始讀都毫無頭緒
）
幸好當時一位朋友在得知了我嘅困境後，向我介紹了Will呢位補習老師
記得當時Will 了解我完嘅情況，語氣嚴肅地同我分析了retake成功嘅可能性。得知我嘅決心，佢二話不說便收留咗我呢個學生，更加為我提供學費減免支持我追夢
呢7個月以嚟，透過Will 去蕪存菁嘅筆記加上清晰易明嘅講解，我由對Econ 一科一無所知到慢慢掌握各課concepts，再到開始在讀Econ 嘅過程中獲得自信。Will作為我嘅補習老師，帶俾我嘅除咗係實用嘅答題技巧同精華筆記，更重要嘅係貼合我程度同能力嘅教學模式，以及喺Retake呢條路上嘅無限支持。
喺Will同朋友、家人嘅支持下，我只喺科大讀完一個sem便決定quit-u完成dse。幸運地最後可以喺Econ一科奪取5**，總成績亦升咗6分，有條件揀返自己心儀嘅科目，總算冇辜負Will對我嘅用心良苦
「人如飲水，冷暖自知」Retaker呢條路唔易行，好結果背後有嘅係努力同付出。自問唔算聰明，一直以嚟都信將勤補拙，遇到適合嘅tutor更如定海神針。教到「神技」嘅tutor眾多，但可以做到亦師亦友嘅卻是少數。多謝Will由一開始對我無條件嘅相信，願意投放咁多時間、精力落我度 你話我係有火嘅學生，而你都係一個有火嘅tutor!
Crystal Ho – DSE 2023 5** – 拔萃女書院
Will 真係幫咗我Econ好多好多 佢係一個好有耐心 好好脾氣 講嘢思路清晰有條有理嘅老師
由於我係單對單上堂 我可以叫 Will 重點教我唔熟悉嘅課題+做多啲難題型 令我學得好有效率
加上 Econ 呢一科需要準備難度去到120%嘅題目 Will 自己整嘅卷就啱啱好 對時間有限 只想應付 DSE 嘅學生十分友好
最最重要係 Will 覆whatsapp超快 好似我唔怕羞 少少 unsure 都問
即刻清到concept 冇晒疑問 really thank you sooo much!!
Benson Chan – DSE 2022 5** – 九龍華仁書院
仲記得中四中五根本上就冇上過econ堂，嗰陣時得level 3-4之後好多基本嘢都唔明，其實本身有諗過drop左econ呢科，不過好彩之後聽朋友介紹中六搵will補econ，由於Will sir可以彈性上堂，當時決定重新學過晒所有嘢，喺短短幾個月內清返晒啲concept同埋學番啲考試技巧。Will sir 講解唔同concept嘅時候比學校老師講得清晰好多，之後又會教啲考試技巧，例如deposit creation四步曲，明咗之後啲題目容易做好多好多。同埋最重要係佢淨係會講in-syl 嘢，補完佢之後先知自己學咗幾多out-syl 嘢，晒咗幾多時間
同埋Will sir對marking scheme真係好鬼熟，所以上堂教我哋嘅答題技巧真心好有用，唔使好多句之後又可以完全答中marking。值得一提就係Will Sir d notes都好勁，簡簡單單micro macro precise wording三本嘢已經搞掂晒成個dse syllabus，入邊啲內容仲要清晰易明容易入腦。記得中六接近尾聲嗰陣時Will sir見我哋有啲basic concepts又係唔係好記得特登送咗啲講basic concepts video course俾我哋，最重要係完全冇收過我哋錢！可以話係我高中咁多年補習入面最好人嘅補習老師
Anson Chan – DSE 2022 5** – 九龍華仁書院
我認為Will 係一個好有料嘅補習老師，佢對於Econ 內容及DSE考試的制度、問法、marking scheme同考試策略都極為熟悉。只要係一個有上進心嘅學生，補佢就一定能夠快速進步。
佢平時上堂會適當安排教學及操練的時間。教學方面，佢嘅課堂十分exam-oriented。幾乎唔講廢話同埋絕對唔會講out of syllabus 嘅內容。操練方面，學生在有問題的時候佢能夠立即回答。在課堂以外的時間，亦可以隨時問佢，佢亦都會好快回覆。
另外，佢亦都會幫助上堂嘅每一位學生，個別咁跟進佢哋嘅情況，令到唔同水平的學生都會搵到可以進步嘅方法。再者， Will嘅notes真係十分有用。佢嘅筆記（micro、macro notes)好薄好精簡，但係覆蓋晒最常考到嘅concepts。雖然如果淨係得呢兩本書係唔能夠攞到5**，但係佢哋夠輕便，令學生有心機溫，唔似係其他老師咁，本notes差唔多有二百頁，學生根本就冇心機睇。
最後，我認為will嘅notes之中最幫到我嘅係precise wording，呢本筆記教到我各種類型的long question 嘅問法同埋答法，十分有助學生係paper two攞到高分。只要背熟呢本書，攞五以上絕對唔係問題。
Vivian Tung – DSE 2021 5** – 英華女學校
Will sir 係一個好專業嘅補習老師，佢好熟悉marking scheme同歷年試題，唔會隨便亂教學生。佢平時上堂唔講廢話，唔會隨便同學生吹吹下水唔記得要教書。課堂嘅節奏都可以因應學生程度調節。最難得嘅係佢覆whatsapp超级快，經常秒覆，有咩唔明都不怕，可以隨時問佢。唔似其他補習老師一個星期覆一次whatsapp仲要只係簡單解釋，跟住學生就會好似成舊雲咁過一個禮拜都唔理解。我記得係中六deposit creation個課，我d concept超級亂，亂到自己唔知亂係邊度，will sir都不厭其煩地額外用zoom解答左近1個鐘，同我講明背後嘅原理，真係算補習界盡心盡力脾氣又唔差嘅老師。